Jowai : Ka Seiñ Hynniewtrep Students Union, Seiñbei hapoh i yahkhmat u President yong ka u Kyrshan Rymbai chirrup wa u General Secretary yong ka u W. Syngkon, ynnin ka 28 tarik da pynkha ko sa ya kawi ka tnat krehkaam yong ka.
Ya kani ka tnat da pynkha da tip kam ka HSU – Thadlaskeiñ Circle wei da pynkha ya ka wow ye ka seiñ u e i chakri cha ki paidbah.
Ya kiwa kitkaam wa ki dkhot ka seiñ da pynsmai da u President ka seiñbei wei da thung ya u T. Sugni kam u President, u Lambert Peterson Sajem kam u General Secretary, u Beril Talang kam u Vice President, Fullmoon Shadap kam u Organising Secretary, u Deibor Dkhar kam u Asst. Secretary, u Richbirt Sajem kam u Asst. Sport Secretary, u Superior Talang kam u Sport Secretary wa 30 ngut ki dkhot yong kani ka Circle wa thymme.
Hei klam neiliang u President da ong u wa yooluti ka seiñbei wa waroh ki dkhot wa thymme u man ki kiwa tipbru tipblai wei kiwa em i mynsien ki wow kitkhlieh wow kreh hok neibynta ka ri wa ka jaitbru.
Kani toh katkam ka khubor na u General Secretary ka HSU-Thadlaskein Circle u L. Sajem.
Discussion about this post