15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Yoh myntoi ki paidbah na ka esikai chaphang ki kaam poisa

0 Comments
Advertisement ad1

Ampati: Kam chi bynta wow pynche cha ki paidbah yei rukom krehkaam ki bank kamjooh yei emkaam u pyllang poisa kamjooh u pynemkaam ya ka poisa yow yoh lap ki, ka Reserve Bank of India, Shillong hei krehlang wa ka Bakdil, ka seiñ na Garo Hills da pynman ki da ka Field Level Financial Literacy Awareness ha Salmanpara kawa em hapoh ka Zikzak C&RD Block ha South West Garo Hills ynne ka sngi.

Kani man ko leh kam chibynta i thong ka RBI yow pynchlur ya ki paidbah wow wai Bank Account ki, u pyllang poisa, u kheiñ sap yeiwa pyllut ki, u booh katwon u pyllut chi bnai, heiwon u thap poisa yow yoh sut da kawa biang kamjooh u chim ram deiwa em i bah khlieh.

Ha kani ka sngi da wan da ki spah ngut ki bru wa kynthup leh ya ki Self Help Group (SHG).

U DC ka South West Garo Hills u Cyril V. Diengdoh, da pynkynmoo u ya ki paidbah yei rukom su poisa ka sorkar lyngba ka Direct Benefit Transfer heiwa waroh ki nongsngi kam na ka kreh 100 sngi, ki Gas Subsidy da lai bait ki cha ka Bank Account kamtæ ki wym em Bank Account daw dooh nong bha ki.

Da pynchlur u leh ya ki paidbah yow wan ki cha khmat yow man ki kam ki Banking Correspondent namo ki Bank Mitra yow suk ki paidbah wa sah cha jngai na ki bank. Da klam u leh chaphang ka Cashless Transaction deiwa pynemkaam da ki phone wa ki Debit Card wow su poisa.

Ha kani ka sngi ki paidbah leh da yoh ki ki laad wow booh ya ki phang kylli wa ki heh ka RBI.

Advertisement ad1

0 Comments

Leave a Reply