Daw wai biang ki dukan dai kiad hapoh ka jylla kamwa jooh man : SC

Jowai : Katkam ka yutip wa tikna wa da yoh, ka Supreme Court ka ri ynne ka sngi da chong pyrkhat ko ya ka mukotduma PIL hei yatoh wow khang noh ya ki dukan kiad kiwa em harood ki sarokbah National Highway deiwa ong wa cha ki chnong kiwa duna bru kiwa em hapoh 20,000 ngut kiwa chong chnong kiwa booh dukan dai kiad toh u jngai ki 220 meter na kini sarokbah iwa da pynduna na ka 500 meter.

Ya ki jylla wa em license kiwa dai kiad wa krehkaam palat ya u Naitung (April) daw ye ki u dai hadooh ka 30 Naikhynde (September) 2017.

Kani ka hukum u krehkaam ko ya waroh ki bar, ki pub wa ki restaurant.

Hei yatoh won wa ka jylla Sikkim wa ka Meghalaya kani ka hukum ym krehkaam ko neidaw wa i thaw man i iwa loom wa synrang ymtoh kam cha Dkhar, tangwa ya ka jylla Himachal won u krehkaam ko 220 meter na u sarokbah.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Attorney General u Mukul Rohatgi ynnin ka 30 tarik da yania u wa daw ktah joor ko yei khrong dan ki jylla wei heijooh i por leh ym ye u ong u wa ka ri India ki jylla man ki ki jooh neibhah pher kawi na kawi nadooh ki thaw ki bhaw, ki sorkar wei da ong u wa toh u pynduna yei jngai cha ka 100 meter na u sarokbah.

Kani ka PIL toh kawa da booh da kawi ka seiñ kawa tip kam ka “Arrive Safe” kawa da ong hadooh 1.42 lak ki mynsien da dooh man u snem du neidaw wa yah kari deiwa muaaid.