Jowai : Hadien wa da hiar u slap lynter kattu la kamwa san sngi hadooh ki dieñ leh da pat ki wei ki kynroh da oor ki.
Ynne i janmiet heipor kamwa 6:45 da oor i kynroh wa jrong kamwa 20 meter tam iwa lai tymbud nadien i Control Room ka MeECL wa em ha Khimmusniang, Jowai.
Ini i oor ini i kynroh da wanrah i yei piah ki yit ha ki khiandwar kani ka thaw kreh wei da tymmoh u khyndaw i ktieh ya ki kattu katni ki tiar wa booh ha chrooh kani ka thaw.
Da sakhi ya ki chrot, ki naar grill wa da pat da thiah ki cha liang i thaw (Compound) kani ka yung krehkaam.
Ha ini i embhah ym em iwon iwon i jia wa sñiawsih neibhah kiwa kreh heitæ i por em ki hapoh kani ka Control Room.
Neiliang u Wyrta daw pyntip chooh chooh i cha phi hei yatoh wa ini.
Discussion about this post