Boon wa pynjæd tympra ka rymaw ha kini ki sngi wa da dep ha kylleiñ ka jylla

Jowai : Hadien wa da wan u slap uwa da neh kattu la 5-6 sngi da em i jia wa da tympat, pynjæd tympra i bor ka rymaw ha kylleiñ ka jylla.

Ynnin i step hapoh ka Ranikor Block, South West Khasi Hills District da chah ktah da ki hajar ngut ki bru hadien wa da wan ka lær-yong.

Heiwa da chah khyndang ki yung ki tnoom yung ha ka la-ær wei da chah siam ki tnoom yung ha u phria ha ki phaw tylli ki chnong wa em hapoh kani ka block heiwa da poi da kamwa 1500 tam tylli ki yung kiwa da chah ktah.

Ha East Jaiñtia Hills da chah ktah da ki phaw tylli ki yung hadien wa wan syndet u phria ha ki chnong wa em ha ki thaiñ Loomchnong, kam ha ki chnong Umlong, Thangskai, wa kiwi kiwi heiwa u phria da pynjæd da siam u ya ki tnoom yung ki btu.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kiwa lai wa wan na u sarokbah NH 44 da pyntip ki leh wa joor i sah ki kari neidaw wa boon ki dieñ kiwa pat harood wa ha pyrdi sarok iwa chimpor ya ki bor pulit wow kyrriah ya ki.

Ha Jowai da em i jia ha kiwa boon ki thaw wei da sakhi leh ya uwi u dieñ kseh uwa da pat hajrong iwi i yung wa em ha Moosalyngkat, hadooh wa da jæd ka tin wa syrtap ya ka tnoom yung.

Neiliang u wyrta daw pyntip bniah i chaphi hei yatoh wei chah ktah kini ki manyung mansem wa kiwi kiwi.