Pynbaad ka KSU wa yarap chiliang u MLA ya ki manyung wa chah ktah

Shillong: Ka Khasi Student Union Ranikor Circle ynne ka da pynsñiaw ko yei sñiaw lyngngoh ko hajrong i e yarap u MLA ka thaiñ u Martin M Dango cha kiwa chah ktah ha ka la-ær yong, u slap wa u phria iwa da jia ha kini ki tayaw wa da dep ha South West Khasi Hills District kawa da ktah hadooh 1598 tylli ki manyung.

U president ka KSU Ranikor Circle, u Marconi Thongni, hei yaklam yong oo wa kiwa thoh khubor da pyntip u wa ka seiñ da dep yachem ko wa kiwa chah ktah ha kani ka 6 tarik kiwa kynthup ya ka chnong Ranikor, Balat, Phutkroh, Rilang wa kiwi kiwi wei da chem ko wa ki yung wa chah khyndang wa chah tympra da man ki chah ktah joor bha wei ki chnong wa chah ktah da em ki hadooh 128 tylli wei em leh ki wym em yoh yutip ka ophis u BDO ka Ranikor C&RD Block.

Ka seiñ da pynsñiaw ko leh yei sñiawngooh ya u MLA ka Ranikor, u Martin M Dango uwa da hiar wow yarap smat deiwa saam tin yung, ki borti, ki mug wa u khoo. Tangwa u Marconi da sñiawphylla u neibhah i lai e yarap u MLA toh iwa leh chilliang neibhah ym em yachem u wa ki Waheh Chnong yow yoh yutip wa tikna ya kiwa chah ktah. U MLA da phah u da ki bru yong oo iwa da wanrah yei leh chilliang.

Kamtæ ka seiñ da kyntu ko ya MLA yow e yarap i jooh cha waroh kiwa chah ktah wei neiliang ka seiñ daw takit ko wa hadooh katwon ngut kiwa da yoh yarap wei katwon ngut ki wym yoh yarap.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka seiñ da ong ko wa da sñiaw phylla ko ya ka ophis u BDO ka Ranikor C&RD Block neibhah ki paidbah wa wan paan yarap da phah ya ki u yachem ki wa ki bru u MLA.