Toh u manager ka BPCL ba pynmih yei pyrtuid ka KSU wa ka RBYF wa chim poisa ki : JAC

Shillong: Ka Joint Action Committee yong ki seiñ wa kynthup ya ka PPM, HYM, RBPM wa ka CSWO (I), kiwa pyrchah ya i chna ya ka Petrol Pump ha rood ka Wah Umran, Umran-Diary, Ri-Bhoi Dist, hei yachem ki wa kiwa thoh khubor da pynche ki wa ym em iwon iwon i kwah pynbudnaam ki ya ki ar tylli ki seiñ kitæ toh ka Ri-Bhoi Youth Federation (RBYF) wa ka Khasi Student Union (KSU) North Khasi Hills kamwa da mih khubor wa ki tai ki ar seiñ da chim poisa ki na ka Bharat Petroleum Corporation Ltd (BPCL) wow e laad ya ka BPCL wow chna Petrol Pump ha katai ka thaw.

Ka Irene Hujon, President ka CSWO(I) da pynsñiaw ko wa neiliang ka JAC ym em bynta ko wow pynmih pyrtuid ya ki ar seiñ wa chim poisa ki na ka BPCL wei yeini da leh da u Manager ka BPCL u Rohit Jain.

Ka Irene da ong ko wa ki ym jooh pynmih pyrtuid kulmar ki khlem yoh ya ka sabut wa biang.

Neiliang ka JAC da ong ki wa ym em pyrchah ki ya ki ar seiñ wei lada kwah ki u tip yeiwa khana u Rohit ki (JAC) da biang ki recording yeiwa klam u.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Chooh chooh ka JAC da pynsñiaw ko yei pyrchah yei chna ya kani Petrol Pump ha katai ka thaw wei i kreh dang lai i cha khmat.

Ka seiñ daw booddien ko ya kani ka kaam hei yatoh wa yoh NOC wot hadien wa da dep booh ko ya ka ujor pyrchah ya kani ka Petrol Pump ha u Deputy Commissioner ka Ri-Bhoi kamjooh wa ka KHADC.