Da pynsñiawthooh ya ki khynroo khyllood chaphang ki kaam yoh kreh pyn na ki sap ki

Jowai: Ynnin ka Jowai Municipal Board chirup wei krehlang wa ka Meghalaya Urban Development Agency (MUDA) da pynman ki ya ka yalang pynsñiawthooh cha ki khon khynroo khyllod hajrong wa kammon u pynpliah yei sap wa em ki yow man ko ka laad u pynyoh khih yoh kreh ya ki.

Ya kani ka yalang da pynman ha District Library, Mynthong, Jowai.

U SC Laloo, Chief Executive Officer ka Jowai Municipal Board da kyntu u ya ki khon khynroo khylood wow chim kabu ki ya kani ka laad u pynpliah yei sap wa em ki kawa ye u khih e kreh ya ki neibhah u yang du nei khih sorkar katni man i iwa eh u yoh, da ong u wym hoi u sarom wow wan chakhmat yow pynpliah yei sap wa em yow man ko ka lad yoh khih yoh kreh.

Hei yatoh wei duna ki khynroo khyllood wa wan yachim bynta ong u i daw toh wa duna i e yutip cha ki dong ki chnat neibhah man i, i por wa tbian, kamtæ yooluti u wa sachisien u boon kiwa wan chim bynta wei u e yutip dang kyllooid i por.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U B.J. Kharshandi, Executive Officer ka Jowai Municipal Board uwa man leh kam u Skill Development Officer, West Jaiñtia Hills da ong u wa ymtoh u yooluti du yei khih sorkar neibhah neidaw wa boon ki bru lada yakhun makna yei khih sorkar leh khajak ngut donhi ki wow yoh kreh sorkar, kamtæ heiwa kut kitai kiwa boon won haap hi ki u thooh laad wow yieñ ha ki yong ki dahi i kjat yow dap yow biang ki, han kattæ leh da ong u iwa biang tam toh dei wow pynpliah yei sap wa da em ha i.

U H.H. Mohrmen President ka Society for Urban and Rural Empowerment ong u, wa man iwa eh u yoh khih yoh kreh, tæ emkaam u kyruiñ cha ki laad ki luti waka sorkar da pyrchang ko u e yarap khnang yow ye u sdang yei khih i kreh. Da pynkynmoo u wa ka kam uiñsawari leh man kawa ku bha katni ha ka Jylla kamtæ ye wow thooh ki laad ki luti wow pynpliah ha kiwa boon ki bynta yong ka kaam uiñsawari leh, neibhah ymtoh du kat wa e khih ko tangwa man ko leh kawa neh.

Da yoh leh i klam pynche naka Iban Basaiawmoit APO ka MUDA kawa ong iwi i eh wa khro toh haka Ri toh i dooh khih kamtæ neiliang ka sorkar India da pyrchang ko daka Skill Training Programme, lyngba ki course waphær waphær da ong ko wa em ki kattu katni ki thaw e sikai wada dep register waka sorkar India heiwa mynda dep training ki khynnah ye ki u yoh kreh.

Ha kani ka sngi da wan wow e batai chaphang ki course wa ki thaw esikai waphær waphær kiwa da dep register ha ka sorkar wa kynthup na ka Don Bosco Technical Society Shillong, ka Edu Bridge Career Academy Shillong wa ha Jowai, naka Indus Edu Train Academy Shillong na ka Centre Learning Knowledge & Service wa kiwi kiwi.