Rai ka UDP wow dam noh na ka PDF ha KHADC

Shillong: Ka Central Executive Committee yong ka United Democratic Party ynne ka sngi da chim ko ya ka rai wow dam noh u krehlang wa ka People’s Democratic Forum ha KHADC kawa yahkhmat da u Pynshngaiñ N Syiem. Ka United Democratic Party (UDP) em ko 6 ngut ki MDC ha KHADC wa kynthup ya 2 ngut ki Executive Member. Da chim ya kani ka rai hadien i yaklam wa neh da ki boon kynta neidaw wa em ka yataan tylle ha pyrdi ki MDC wa dang kwah u kyrchaan ya u P.N. Syiem.

Ka UDP da paan pynche ko hei yatoh wa ka Professional Tax wa T. 2 Klur wa da thap cha ki Bank Account yong ki bru samen, i e ram ka KHADC hadooh T. 35 lak ha ka Khasi Heritage Conservation Forum (KHCF) wa pyllai ya ka Monolith Festival, ka T. 45 lak wada mang wow chna pynmiat ya ka Conference Hall khlem khut tender, ka poisa wa yoh na ka NHAI ya ki thaw wa da e cha ka ha Byrnihat, Jorabat wa ha Nongpoh.

Ini i rai ka UDP wa ye ko u pynpra ya ki MDC neibhah na ki 6 ngut ki MDC kamwa 4 ngut ym sñiwasuk ya ini i rai ka CEC wei du ar ngut dohni wa ngait ka.

Ki 4 ngut toh u Donkupar Sumer, u Albinus Lyngdoh kiwa man leh ki EM, u Teinwel Dkhar wa u Lambok Nongrang.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Kiwa pdiang yei rai ka Party toh u HS Shylla wa ka Rona Kymdeit wei waroh kini ki MDC da emlang ki ha kani ka yalang ynne ka sngi.

“Ka rai wow mih noh na ka Executive Committee toh kawa kjut ya ki MDC neibhah na kiwa boon ki daw wa dooh myntoi ki paidbah” da ong u President ka UDP u Dr. Donkupar Roy hadien wa da wai ka yalang.

U President ka UDP da ong ong u wa ka party da rai ko wow chong wow synchaar samen khlem da kreh lang khamtam wa ka Congress.

U Dr. Donkupar da ong u leh wa ka seiñ ym ye ko u krehlang wa ka Executive Committee wa yahkhmat da u bru wa thok wa baamtooh ya i hok ki paidbah.

Da i yut ka UDP wa ki 6 ngut mi MDC yong ka, ka PDF da sah ko 16 ngut ki MDC lait noh u Chairman u L.G. Nongsiej ha ka yung dorbar kawa 29 ngut. Ka Congress em ko du 6 ngut ki MDC.

Kiwa em katni ha ka PDF toh ka HSPDP 3 ngut, NCP wa BJP mar uwi, KHNAM 2 ngut wa u Pynshngain N Syiem, nalor ka Garce Kharpuri, Hadrian Lyngdoh, Latiplang Kharkongor, Banteidor Lyngdoh, James Sylliang, Morningstar Mawsor wa u Victor Ranee.

Kiwa em na ka liang pyrchah toh ki UDP 6 ngut, Congress 6 ngut wa u Bah Pyniaid Sing Syiem waroh em 12 ngut.