15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mih ka HYC wow dawa u pynkrehkaam ya ka ILP

0 Comments
Advertisement ad1

Shillong: Ka Hynñiewtrep Youth Council (HYC) da pynthymme ko yei dawa wow pynkrehkaam ya ka Inner Line Permit (ILP) kawa jooh krehkaam hapoh ka aiñ Bengal Eastern Frontier Regulations, 1873 heipor wa synchaar ki pahreng.

U Peter Lawai President ka seiñ, hadien wa kut ka General Council ka HYC ynne ka sngi da pyntip u cha kiwa thoh khubor deiwa ong “Toh u pynkrehkaam ya ka ILP hapoh ka jylla Meghalaya yow yada ya ki tre ri yei wan toor ki mynder kiwa boon wa psiah be-aiñ cha ka jylla.”

Da ong u wa katkam wa man katni ki baar jylla hadien wa dep sah ki 6 bnai ha ka jylla da ye ki u man kam ki tre wei lada em ka ILP ini waroh ym ye de i u man.

Da ong u leh wa emkaam u pynkrehkaam ya ki thaw psiah thaw mih cha ka jylla kamjooh ya ka Residential Permit heiwa kiwa sah hapoh ka jylla khlem yoh ya ka, ye ki u chah kem.

Hei yatoh won wa i kreh ki baar jylla da toh u pynkrehkaam ya ka Work Permit yow lait ki baar jylla u tooh yei khih i khan ki tre chnong wei emkaam ka tnat Labour wa ka District Council wow chim khia ki yeini.

U Lawai da ong u leh wa ka aiñ wow pynchitom ya kiwa leh Benami ym em krehkaam ko neibhah boon ki por uwa ujor haap u pynsakhiat u yeiwa pynbaad u.

Hei yatoh won wa man tre ri ki bru kiwa na baar jylla baar ri ka sorkar toh u booh ko ya u snem 1971 kam u snem wa khaddooh wow pdiang ya ki.

Da dawa leh yow pynthymme ya ki aiñ man tre thaw, i hok wow tipmit ka sorkar ya ki ktien ki thylliej wei wow pynkhlan ya ka Sixth Schedule hei yatoh wa ini waroh.

Share this:
Previous

Rai ka UDP wow dam noh na ka PDF ha KHADC

Next

Dang lah i synchaar ka Administrator bar yei synchaar kiwa baamtooh: Bindo