Jowai: Ka Civil Service Day namo ka sngi wow pynthymme yei kular kiwa kreh sorkar wow chakri hok ya ki paidbah da kynmoo warom ki ya kani ka sngi ha Jowai ha Conference Room ka yung krehkaam u DC, WJH.
U Deputy Commissioner u R.Rapthap, IAS, hei emlang u Superintendent of Police R. Muthu, IPS, Additional Deputy Commisioner D.M. Wallang, u Divisional Forest Officer (T) Jowai Divisions, u J. M. Pohsngap, IFS, ka Thadlaskein C& RD Block Development Officer ka D. Blah chirrup wa kiwi ki sahep da emlang ki ha kani ka sngi.
Hei klam u Deputy Commissioner u R. Rathap da pynkynmoo u yei thmu yong kani ka sngi kawa toh wow kynmoo biang yei kaamram yong kiwa kreh sorkar cha ki paidbah. Da ong u leh wa kam kiwa chakri neibynta ki paidbah emkaam u hun chwa ki yei rukom im yong ki yow ye u e yei chakri wa biang cha ki paidbah kamtæ da khut u ya wow chlur ki u kreh neibynta ki paidbah.
U Superintendent of Police, R. Muthu wa u Divisional Forest Officer (T) Jowai Division, u J.M. Pohsngap leh da klam ki ha kani ka sngi hei yatoh waka yutip kiwa chakri ya ki paidbah.
Neiliang ki sahep ka Soil & Water Conservation, Forest, Handloom, DRDA Department wa ka Basin Development Unit da pynyoo ki ya ki kaam wada pynkreh ki ha kylleiñ ka district.
Discussion about this post