Shillong: Ka seiñ Hill State People’s Democratic Party (HSPDP) da sñiaw skem ko wow jop ha kani ka Election wow pynman ha u 2018 katkam i ong u president ka seiñ u Ardent Basaiawmoit ha ka yalang wa pynman ynne ka sngi ha Lad Nongkrem wei daw chna sorkar ko leh.
Da ong u leh wa, “Ym me ka sorkar Congress, ka sorkar BJP wei ki seiñ sain pyrthai ka jylla wow chna sorkar lada em i sniaw thooh yumut lang ki waroh.”
Hei yatoh wa ki aiñ wa pynkrehkaam da ka sorkar bei da ong wa kiwa boon toh ki wym yahap wa ki jait bru yong i wei du ki seiñ wa em hapoh ka jylla wow sñiawthooh ki ya ini waroh ymtoh ka Congress namo ka BJP.
Da e nongmuna u leh ya ka aiñ Citizenship (Amendment) Bill, 2016 ka wow chah ya ki baar jylla ki bar ri kiwa man kam ki Hindu, ki Sikh, ki Buddhist, ki Jain, Parsi wa ki Kristan nadooh na Afghanistan, Bangladesh wa ka Pakistan wa em hok ki u man kam ki tre ka India.
“Daw poi i por wa waroh u poi ki hadooh ha Smit wa ha Nongkrem” da ong u Basaiawmoit.
Da ong chooh chooh u wa hadooh 24% ki jaitbru yong i toh ki wym man kam ki tre thaw, wei ka HSPDP daw leh ko yeiwa emkaam yow yada yei hok ki wym em thaw wei yeini ye u leh du hadien wa yoh ka HSPDP u wan hei bor synchaar.
Discussion about this post