Shillong: U Montri Rangbah ka jylla u Dr. Mukul Sangma ynne ka sngi da ong u wa daw pynsmat noh ka sorkar wow pynku tulop ya kiwa sikai All Meghalaya Adhoc Upper Primary School Teachers Association hapoh ka jylla, ya ini da pyntip da kiwa sikai hadien wa yachem ki wa u Mukul ynne ka sngi.
Kiwa sikai hapoh ka i yahkhmat u B.R. Thabah da paan pynche ki na u Mukul yow sñiawthooh yei rukom krehkaam ka yung dorbar hei yatoh wow pynku ya ka tulop chispah chah (100%) ya kiwa sikai Adhoc hapoh ka jylla.
Kini kiwa sikai da ong ki wa toh u pynku ya ka tulop nadooh u Naisaphar (August) yong u snem 2016 kamwa leh ya kiwa sikai Adhoc Secondary wa Higher Secondary.
U Thabah da ong u leh wa, ka seiñ kiwa sikai Adhoc Upper Primary ym em kwah ki u mih madan wow yakhih kamwa leh kiwi neibhah ki ym em kwah ki wa ki khynnah skur u chah ktah ki.
Da pynkut u deiwa ong wa ki kwah ki u poi cha i ya sñiawthooh yumut da ka luti wa lai jai jai yow lait u thut ki khynnah kamjooh ki manbei manpa.
Discussion about this post