15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ujor ka AAP wa u MLA pyrchah yei habra i saam Bill Light ka MeECL

0 Comments
Advertisement ad1

Shillong: I leh habra weiwa kheiñstiñ ka tnat Meghalaya Energy Corporation Ltd. (MeECL) yei rukom e Bill Light da wanrah ko yei eh i khoo ha kiwa boon tylli ki chnong ha EKH. Hajrong ini i chitom wa chem ki paidbah da lai yachem ka Aam Admi Party (AAP) Meghalaya ya u Director Distribution ka MeECL, u T. Passah wow pynche hajrong i rukom e Bill Light ha ka chnong Puriang EKH.

Hawa yaklam wa kiwa thoh khubor, neiliang u Secretary Legal Cell ka AAP, u Peter Dohkrut da pyntip u wa ka MeECL kawa pynpoi bordiñ ha ka chnong Puriang nadooh u snem 2006 tangwa kat ya ka Bill Light won da pynpoi ko katwa ngait ko.

Da pynbaad leh wa ya ka MeECL deiwa ong, “Da man ko kawa sñiaw phylla wa ki bru kiwa thang 4 hadooh 5 tylli ki bulb da poi ka Bill Light hadooh T. 500, T. 800 wa T. 1000, ka wym jooh jia hadooh i thaw wa em cha sor leh” da ong chooh chooh wa ini toh wow chim kabu ya katai ka chnong wa em 300 tylli ki yung.

Da em leh kiwa chah ah light neibhah da poi ka bill cha dooh T. 20,000 hadooh T. 30,000. “Ym du ini neibhah i rukom pynpoi Bill Light toh khlem wan wa pait ya u Meter wei da antad donhi ya ka Bill Light wei da em ki Bill wa poi hadien 9-10 snem.” Da ong u Dohkrut.

Da pyntip u leh wa u Public Relations Officer yong kani ka tnat da kyntait u ya waroh wa pynbaad ka AAP hanlada kattæ leh u chimkhia u wow pait ya ini waroh.

Ha iwi tawan i liang u Tituswell Chyne, MLA ka Sohra leh da lai yachem u wa u Director hajrong ini i jooh i chitom wa yachem ki paidbah yei leh habra ka tnat MeECL. Da ong u wa ini i chitom ki paidbah toh iwa da slem heiwa da poi ki Bill Light hadooh T. 40,000 kiwa sah ha Laitryngkew, Mawkma wa kiwa ki chnong wa em cha jan.

“I pynemkaam kiwa chong chnong ymtoh u palat ya T. 1,000 chi bnai neibhah boon ym em pynemkaam ki ya u Power Line wei da pynemkaam ki du u Domestic Line tangwa ka Bill Light da poi ko hadooh T. 3,000 chi bnai” da ong uni u MLA.

Neiliang u Director da kular u wow pynche paidbah hei yatoh waka Meter Reading wei wow pynkrehkaam noh ya ka Restructured Accelerated Power Development and Reforms Programme (RAPDRP) wei kamjooh wow booh noh ya ki Transformer ha ki chnong wa emkaam.

Advertisement ad1

0 Comments

Leave a Reply