Chrai u Ronnie V. Lyngdoh ya ka sorkar pyrdi hei yatoh wa ka Smart City

Shillong : U Montri ka tnat pynroi ka sorkar jylla, u Ronnie V. Lyngdoh da pynsñiaw u yei chrai yei wym ap ka sorkar pyrdi wow yarap ya ka sorkar jylla neibynta wow pynkrehkaam ya ka scheme Smart City næ wow pynman ya ki sor wa khooid. Kamwa da pynbna da ka sorkar pyrdi, ka sor Shillong toh kawi na ki sor wa bna naam wa kawa miat heiwa da poi ko chadooh ka kyrdan wa 276 ha ka yakop wow khooid dooh.

Hawa yaklam wa kiwa thoh khubor, u Ronnie da ong u wa i booh kyndon ka sorkar pyrdi wow yabhah poisa mar chiteiñ wow pynkrehkaam ya ka Smart City da booh ko i eh ya ka sorkar jylla neibhah ym em poisa ko.

Katkam kini ki kyndon, ka sorkar jylla wa ka sorkar pyrdi toh u sai ki mar chiteiñ ka bai lut wow pynkrehkaam ya kani ka scheme wow pynman ya ka sor kawa khooid.

“Nga da dep yaklam o wa u Montri ka tnat pynroi sor ka sorkar pyrdi u Venkaiah Naidu ha ka yalang ha Guwahati wa ka sorkar pyrdi toh u pynyinsur yei kyrchaan poisa ya ka jylla tangwa oo da kyntait u deiwa ong wa ym ye u pynkylla ya ki kyndon” da ong u Ronnie.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ini i kyntait ka sorkar pyrdi da booh ko ya ka sorkar jylla hei eh wow pynkrehkaam ko ya kani ka Smart City heiwa u Ronnie da ong u wa ka sorkar jylla ym emkaam de ko wow yarap poisa ka sorkar pyrdi neibynta tangwa daw leh noh ko yeini pyn daka hi.