Jowai: Ka Dorbar Pyllun yong ka chnong Kyndongtuber kawa pynman ynnin ka 13 tarik da kawi ka sur da mynjur lang kiwa chong chnong wow pynyieñ wei wow kyrchaan tylli ya u Richard Singh Lyngdoh uwa man kam u MDC ka JHADC yow yahkun u ha ka Election MLA naka 3-Raliang ka wow pynman ha u snem 2018.
Ha kani ka dorbar da chimbynta lang da ki paidbah wa chong chnong waroh kawi hei sñiawkmen wa uwi na ki khon ka chnong Kyndongtuber da paan u ya kani ka yukit wei da kyrmen wow poi u cha ka thong.
Ha kani ka yalang chiboon naki waheh, ki khynroo khyllood, ki manbei manpa da pynsñiaw ki yei mynjur yong ki ya uni u kyrtong yow wanrah u ya i roi i paar wei yow ku ka Constituency cha khmat, wei kam kiwa chong chnong da kyrpaad ki leh ya ki para chnong hapoh ka 3-Raliang wow sñiawbha ki u kyrchaan ya u Richard Singh Lyngdoh yow poi u cha ka thong i jop.
Kani toh katkam ka khubor na u Rilinius War, Secretary Chnong Kyndongtuber.
Discussion about this post