Ym mano ka Sorkar ya ka hukum ka NGT : Sajay Laloo

Jowai: Ynne ka 18 tarik ka Eastern Zone yong ka National Green Tribunal, Kolkatta da chong bichaar ko ya ka mukotduma wa ujor u Sajay Laloo hei yatoh wow yada ya ka wah Myntdu.

Kamwa jooh man ha kiwi ki mukotduma ka sorkar jylla da e dorkhat ko du 10 minit chwa wow sdang ka bichaar da ong u Sajay Laloo.

Neiliang u muktiar uwa da yasaaid ya kani ka mukotduma neiliang u Sajay da kdaw u yei wym kheiñkor ka sorkar jylla ya ka hukum wa chipor yong ka NGT heiwa da kam u wa i tia thaw, i sait that, i tih moo tih chyiap dang pteiñ i hadooh katni.

Neiliang u Dr. Todi uwa man kam u Advocate General ka jylla Meghalaya da ong u wa ka dorkhat wa bniah kawa pyntip chaphang ki kaam wa da leh ka sorkar da e da u Chief Secretary ka jylla. Hei yatoh wa ini ka NGT da ong ko wa ka sorkar jylla dei langær ong ko wa da pynmih ko ya ki hukum wa ki rai wa boon tangwa ki kaam won mar chawa yoo kamwa da jooh leh ko ha kiwi ki mukotduma wei emkaam ya uwa ujor wow e dorkhat u heiwa daw pyntip u wa da kreh namo ym em u kreh ka sorkar heiyatoh wa ki hukum ka NGT khnang wow ye ka NGT u leh ko yeiwa emkaam pyrchah ya ki tnat mo ki sahep sorkar.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Yeini daw chong bichaar biang ko ha ka 26 Naiynñiaw 2017.

Hadooh katni u Addl. Chief Secretary uwa pait ya ka Forest & Environment wa ka tnat Urban Affairs hadooh katni ympu em u sangeh ya ki yung kiwa dang chna harood ka wah Myntdu.

U Sajay da ong u leh wa ki yumut wa e u yow wanrah ya ki tnat wa ki kyndon krehkaam wow yada ya ka rymaw da kyntait da ka JHADC wa ka sorkar Jylla.

“Ki yumut wa da phah O chah ki tnat samen waphær waphær wow wanrah yei khooid i jngiar hapoh ki yaaw ha Jowai leh ym em u pdiang ki ya ki da ki tnat wa pait ya kini ki bynta” da ong u Sajay, heiwa da ong u wa kini kynthup ki ya ka Seiñraij, ka Balang Presbyterian, ka Church of North india, wa kiwi kiwi ki wym biang ki thaw pyllang jhep wa heh.

Da ong chooh chooh u wa ka Jowai Municipal Board ym em u chimkhia ko wow pynkhooid ya ki sarok kiwa lai lyngba ka Iawmusiang wa ka Jowai waroh kawi.

Da e yumut leh cha ka PWD wa ka Urban Affairs wow chna ya ki dam ha ki liar man ka 50 namo 100 metre yow pynkhooid ya ki jakhlia wa kai cha ka wah yeiwa u pynkhooid leh ya ki neipor cheipor. Da e yumut leh cha kiwi ki tnat yeiwa ye ki u leh hei yatoh wow yada ya ka wah Myntdu.

Wat hadooh ki bor district leh ym em u chimkhia ki wow esikai cha ki paidbah hei yatoh wow wanrah yei sñiawthooh hei wow yada ya ka Rymaw.