Sdang tlot ka BJP-WJH nei mih wei ieh kaam ki dkhot, ynne won mih sa u JG Kyndiah

Jowai: U President warim ka Bharatya Janata Party, West Jaiñtia Hills District u J.G. Kyndiah ynne ka sngi da phah u ya ka chithi mih seiñ noh u cha u State President ka BJP Meghalaya.

U J.G. Kyndiah da jooh man kam u District President ka West Jaiñtia nadooh u snem 2013 hadooh u 2017.

U Kyndiah da ong u wa i daw wa mih noh u na ka seiñ toh neidaw wa ymsñiaw ye wei ym yahaap de u ya ka rukom krehkaam wa ka luti wa lai kani ka seiñ.

Da ong u leh wa ym em sñiaw yahaap de u yei rukom kreh ka seiñ ya ki yurim yong ka kam heipor wa dang psiah wot u cha ka.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Hachwa wow mih u na ka seiñ u J.G. Kyndiah da man u kam u State Executive Member wei kam u Primary Membership.

Lada kamni mih kiwa krehkaam wa ki dkhot ka seiñ, toh hi ma-ai ki dak klam ki wa ka BJP da sdang tlot ko kat dang lai ki sngi?

Kamwow pynkynmoo heini ha kini ki bnai wa dadep u President ka tnat khynroo ka BJP- WJH u J. Shylla leh da mih noh u na kani ka seiñ.