Da lehwarom ya ka International Biodiversity Day hajrong ka phang yong ka rymaw wa ki kaam uiñsawari

Jowai: “Palat 738 tylli ki jait dieñ du hapoh kamwa .05 Hecter da chem ha i khloo kyntang ka Ialong wei ha i jooh i heh i thaw ha i khloo kyntang wa em ha Raliang da chem 469 tylli ki jait dieñ” da ong u R. Muthu, U SP ka West Jaiñtia Hills ha ka yalang leh warom ya ka International Biodiversity Day wa pynman ha Ialong Park ynne ka sngi.

Da ong u wa ini toh katkam wa chem ki bru chemphang wa da wan thooh bniah ha u snem 2003. Kamtæ emkaam u pynneh pynsah ya ini waroh kini ki jait khamtam yow riñ ya kiwa wan uiñke sawari wei kamjooh i por leh emkaam u em i bahkhlieh ha ki kaam uiñke sawari yow lait pathan ini wa da kyrkhu ka Bei Rymaw u wiar jait.

U Rev. H.H. Mohrmen won hei klam yong oo da ong u hei chem yong oo heipor wa yaklam u wa kiwa chong wa sah ha rood ka wah Myntdu ha ka chnong Kharkhana, ki dang ye ki wow khana ya ki 100 jait ki dakha wa jooh khwe ki tangwa katni waroh kini ka wiar jait ki na ka um bih mooyong.

U James Pohsngap DFO, Forest Utilization Division, Shillong, Meghalaya da ong u wa ki stat sayan da khana ki yei rukom mih ki mrad ki mreng ha kani ka pyrthai tangwa lada pait neiwa thoh ha ka Bible u blai nyngkong chna u ya ka um, ki loom ki wah, ki mrad wei hadien da chna u ya u bru.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ini pynyoo wa u bru ym ye u im lada ym em kini waroh tangwa u bru katni da sdang u wow pynwiar jait ya ki mrad, pynsih ya ki um ki wah iwa mut ha kawi ka sngi daw wiar jait sa u bru leh.

U D.M. Wallang, ADM ka WJH ong u wa u pynneh pynsah ya ka rymmaw emkaam leh u pynneh pynsah ya kiwa da chna uwa rim wa jah kam ki luti lai kjat u syiem Jaiñtia kam ki yingkieñ moo ki thaw sah u syiem neibhah kini waroh man ki chimbynta ka jait bru yong i.

U kongsan ha kani ka sngi u B.S. Kharmawphlang, IFS, Addl. Principal Chief Conservator of Forest (Wildlife) hei klam yong oo da ban joor u hei yatoh wa ki tre chnong wow pyrchang ki u tip bniah chaphang ki sim ki doh, ki dieñ ki siej yow tip leh u pynneh pynsah ya ki kamjooh yow ye ki u khana cha kiwa wan uiñke sawari katkam ka phang kani ka sngi wa ong “Biodiversity and Sustainable Tourism.”

Ha kani ka sngi leh da saam ya ki khusnaam cha ki khynnah wa jop ha ka yakop Extempore Speech, Drawing, Essay wa Painting.

Ha ka Extempore Speech da jop u Banrilang Shylla na Govt. Boys’ HS School, Jowai; wa ar da yoh ka Rhoda Sungoh na Govt. Boys’ HS School, Jowai; wa le da yoh u Rangdajied Sutong na Kiang Nangbah Govt. Higher Secondary.

Ha ka Drawing Competition da jop u Kelvis Langstang na Jingshai Mihngi HS School, Jowai; wa ar da yoh u Wanbait Suchiang na Ialong Thymme LP School, Ialong; wa leh da yoh ka Malita Kyndiah na Jowai Public School, Jowai.

Ha ka Essay Writing won da yoh nyngkong da u Zamiaboanie Tariang na Jingshai Mihsngi Adventist Secondary School, Jowai; wa ar da yoh ka Gracymai Pala na Government Girls’ HS School, Jowai; wa le da yoh ka Ianghi Mulieh na Ialong Secondary School, Ialong.

Ha ka Water Painting won da yoh nyngkong u Lurshai Suting na Tpep-pale HS School, Jowai; wa ar ka Wansakani Lipon na Govt. Girls’s HS School, Jowai; wa le da yoh u Planmiki Rabon na Seiñraij HS School, Jowai.

Ya kani ka International Day for Biological Diversity da pynman da ka Wildlife Wing of the Forest and Environment Department Government of Meghalaya & Meghalaya Biodiversity Board.