La 3 bnai wiar ka nurse na Jaiñtia Hills wa kreh ha GNRC Hospital, Guwahati

Jowai: Kawi ka manbei wa tip kam ka Jemina Rymbai da ujor ko wa da wiar ka khon ko ka Lammidaka Rymbai nadooh ka 2 Thohlakhmi (February) 2017 kawa na Ialong.

Ka Lammidaka kreh (Internship) ko ha GNRC Hospital, Guwahati kam ka Nurse wei sah ko kam ka Paying Guest ha Devajani Borgohain’s House wa em ha Super Market, GNRC Hospital wei iwa jngai du kamwa 50m na kani ka thaw sumaar.

Ka Jemina da khana ko wa da klam khaddooh ko ya ka khon ko ha ka 2 Thohlakhmi ha 6:30 i janmiet wei hadien ini da tympleh (off) noh ka phone ko.

Hadien ini da ujor FIR ko ha Dispur Police Station ha ka 21 Thohlakhmi (February) wei da ong ko wa ha ka 17 tarik heipor wa em wa rap ya ka phone ka khon ko, uwa jubab ong wa chem u ka kani ka phone narood sarok wei da ong u leh wa ym tipmit u ka ka Lammidaka wei hadien ini kani ka phone da tympleh biang ya ka.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka Jemina da ong ko wa ha ka FIR wa heipor wa poi ko ha Devajani Borgohain’s House heiwa sah ka Lammidaka, da khana ki wa ka Lammidaka da liwan ko cha yung nadooh ka 1 Thohlakhmi.

Da khana ko leh wa duna bha i yoh yarap ki na ki pulit Assam wei da ujor ko leh ha Lumdiengjri Police Station hei yatoh wa ini ha ka 26 Thohlakhmi.

Hadien ini ha ka 2 Naitung (April) da kem ya uwi u bru uwa ksoh ya ka sim card ka Lammidaka wei oo da ong u wa da ieh u ka ka Lammidaka hadien wa lai booh u ka ha luti wa lai cha Brahmaputra.

“Neiliang ki pulit Assam ym em u yarap ki ya nga wei da kem ya uni u bru du hadien wa chimkhia ki pulit ka Meghalaya u boodien hei yatoh wa ini.” da ong ka Jemina.