Jowai: u Da E Kynsai Mitre Pyrngap toh u khon waheh yong ka Darisuk Pyrngap wa u Kamai Marsharing wei da wanrah u yei burom hadien wa yoh u yei naam wa le ha ka result yong ka SSLC wa da dep pynbna da ka MBOSE ha kani ka 23 tarik.
U Kynsai kamwa da khut maya ya oo toh uwa puræ ha North Liberty Higher Secondary School wei da yoh u 565 marks heiwa da yoh Distinction u ha ka English, Maths, Science & Technology, Social Studies, Health Education waka Khasi.
Hei yaklam wa kiwa thoh khubor ka bei yong oo da khana ko wa u Kynsai man u u khynnah uwa minot wei uwa smat bha ha ki kaam yung nadooh i tong um, u chet u tu wa kiwi kiwi, wei manda to hi por khreh kot da chong u sia næ.
U Kynsai da ong u wa nadooh wa sdang skur da sdang krehkot u kamwa ar kynta chi sngi wei manda jan ka exam da khreh u kamwa san namo ynru kynta chi sngi wei da kyntu u leh ya kiwi ki khynnah wow bhah ki yei por khreh kot ki.
“Kam ki manbei manpa emkaam wow pynyoo ya ka luti wa miat wei wow em ki i akor, emkaam leh wow man kiwa yajan wa ki khon wow sneiñ wow kroo ya ki khon yong ki” da ong u pa yong u Kynsai.
U Kynsai nachwa jooh lai skur u ha QS Springside Secondary School, Jowai nadooh Nursery hadooh class 2 wei nadooh class 3 won da lai u ha North Liberty Secondary School, Jowai.
Heijooh i por ka bei wa u pa yong u Kynsai da e khublei ki ya waroh kiwa embynta wow yarap ya oo wow wanrah u ya ini i naam wei wow poi u ha kani ka thong, da e khublei kyrpang ki leh ya ka skur QS Springside Secondary School kamjooh leh ya ka North Liberty Higher Secondary School.
Kattu u Kynsai u lai puræ HSSLC (Science) u ha North Liberty Higher Secondary School.
Discussion about this post