Thoh u Conrad cha u Modi hei yatoh wei wow pynkylla ya ka aiñ yong ki mrad

by Wyrta Staff

May 30, 2017

Reading Time: 2 mins read

Jowai: U Conrad K. Sangma, MLA ka Tura ynne ka sngi da thoh u cha u Narendra Modi hei yatoh wa ka Prevention of Cruelty to Animals (Regulation of Livestock Markets) Rules, 2017 wa pynmih da ka Ministry of Environment, Forest and Climate Change ha ka 23 tarik uni u bnai.

Da ong u wa ki kyndon thymme da khang laad ko wei daw wanrah ko leh ya i eh i khoo ya ki bru wa im ja nei dai doh masi kamjooh ya ki warep.

Ki kyndon thymme toh kiwa ym em yurim kiwa da ktah yei hok ki bru wow khih ki iwa da e ya ki katkam ka Article 19 (1) (g) yong ka riti synchaar ka ri. Ki kyndon thymme tyngkheiñ ki ya ka aiñ Prevention of Cruelty of Animals (PCA) Act, 1960 wei da pyndooh ko leh yei hok ki bru wow jied yei baam wa kwah ki.

Kamtæ da kyntu u ya u Modi wow pyndam noh ya ka Prevention of Cruelty to Animals (Regulation of Livestock Markets) Rules, 2017 neibynta kiwa boon ki paidbah.