U chimpor da ki bnai wow saam bordiñ biang kamwa jooh na Khliehriat Sub-station

Khliehriat: I kopdiñ ki transformer ha ka Sub-station kawa tip kam ka 132/33KV Khliehriat Grid Sub-station ynne i step da wanrah ko chiboon i doohnong kamjooh leh daw ktah ko ya i rukom saam bordiñ dei yong bnai.

I daw tre hi yei kop diñ kini ki Transformer ympu tip wei dang thooh yei tre.

Ha ini i jia da iñkhaw ar tylli ki 20 MVA Transformer, uwi u 5 MVA Transformer ki breaker wa kiwi kiwi ki tiar.

“Uwi u 20 MVA transformer chondor u T. 1.2 klur, u 5 MVA T. 30 lak wei kiwi ki tiar da chongdor T. 80 lak” da ong u Tinku Marak uwa man kam u Assistant Executive Engineer kani ka Sub-station.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da khana wa daw chimpor kamwa ar namo le bnai wow kylliang ya kini ki tiar wei wow ye u saam bordiñ kamwa jooh man nachwa wow iñ kini ki tiar.

Daw chah ktah i saam bordiñ ha ki sngi wow wan cha ki chnong wa em ha East Jaiñtia Hills wa kattu katni ha West Jaiñtia Hills.

Neiliang ki heh ka MePDCL daw wan hiar ki cha kani ka thaw yow sylli ya i doohnong wa i daw wa kop diñ ya kini ki tiar.

Also Read: Kopdiñ ki transformer ha Moowakhu Sub-station, Khliehriat