Ampati: U MP ka Tura uwa man leh kam u Chairman, District Development Co-ordination & Monitoring Committee (DISHA), Conrad K. Sangma da ong u wa ka DISHA Committee daw sylli ko ya yei rukom pynkrehkaam ya ki scheme ka sorkar pyrdi ha waroh ki block man la ka le bnai wei da phah ya waroh ki sahep wa pynkrehkaam ya ki wymtoh u chim ki ya ka kam ka laad wow boh tangwa ka laad wow pynbait yei eh i khoo wa yachem ki.
Hei yaklam wa ki sahep sorkar da kylli yei rukom man i long i pynkreh ya kini ki scheme ha Betasing C&RD Block heiwa da emlang u Deputy Commissioner Cyril V.D. Diengdoh, ADC & PD, DRDA, H.D.B. Sangma, wa kiwi ko dkhot ka Disha Committee chirup wa u Md. Rafiqul Islam, Selsella MDC, Dipul R. Marak, Subhir Marak, BDOs ka Betasing & Zikzak C&RD Block, wa kiwi kiwi.
Da kylli chaphang ki scheme kam ka MGNREGS, IAS PMAY-G, National Social Assistance Programmes, PMGSY, National Health Mission and National Rural Drinking Water Programme, wa kiwi kiwi.
Hadien ini da pynman ya ka Public Hearing heiwa ki paidbah da pynsñiaw ki yei eh i khoo wa yachem ki hei emlang ki sahep sorkar wei neiliang u Conrad K. Sangma, da ong u wa deiwa pynman ya kam kini ki Public Hearing daw yarap bha ko hei wow pynkreh ya ki Scheme.
Discussion about this post