15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Nei khang wow chalan moochuni chah ktah palat 50 hajar ngut du ha ki thaiñ Shella

0 Comments

Shillong: I chah khang wow challan moochuni cha Bangladesh, da wanrah ko ya i chitom wa chyrkhei ya ki paidbah ka thaiñ Shella ha kini ki snem wa da dep hadooh katni ong u President ka Meghalaya Mineral Exporters Chambers of Commerce (MMECC) u Stodar Dkhar hawa yachem u wa kiwa thoh khubor ynne ka sngi.

Da ong wa kamwa 50 hajar ngut ki paidbah ka thaiñ Shella da chah ktah ki na ini i khang wa kynthup ya ki tre paar, kiwa khayi, kiwa mylla, kiwa yah kari wa kiwi kiwi de kiwa imja neini.

Advertisement ad1

Chooh da ong u wa ka sorkar da ong ko wa ym em khang ko yei tih wei wow challan ya u moochuni tangwa ini toh du hei ktien donhi.

Katkam i ong u Stodar, lada ka sorkar ym pynsmat ko wow pyllait noh yei khang ya u moochuni, ki paidbah wa im na ini i kaam, ym yohsa de wei daw pynbor ya ki wow mih madan ki yow dawa yei ja kpoh yong ki.

“Dr. Mukul Sangma sñiawbha wow pyllait noh ya u moochuni wa dang sah khnang wa ki paidbah ka thaiñ u yoh ki u im ja”, ong u Stodar.

Da ong wa hei antad yei em u moochuni wa da dep tih toh ym duna ya 40 Lak Ton ha Shella, Bakli wa Bholaganj.

Da ong u wa kiwa tih kamjooh ki tre paar moochuni pait atnood ki ya ka Lafarge Umiam Mining Ltd wa ka Kommorah Mining Pvt Ltd kiwa yoh wow khayi wei wow tih pahooh ya u moochuni. Kini ki company da yoh ki u leh yeini neidaw wa ki da em ki ya ka Mining Lease wa ka sorkar iwa da leh ki nadooh nachwa.

Da ong u wa ka sorkar da phah ko ya kiwa tih moochuni wow leh ki katkam ka aiñ Minor Mineral Rule 2016 kawa da pynkhreh da ka sorkar jylla, tangwa hadien kiwa da paan bor wow tih katkam kani ka aiñ tangwa hadooh katni ympu em wa yoh bor.

U Stodar da ood u leh wa katkam kani ka aiñ ki tre paar haap pynkhreh ki ya ka Mining Plan wei kani da chong dor ko hadooh T. 5 Lak.

Kamtæ kiwa boon hi ym yoh poisa ki wow leh yeini waroh neibhah wa joor i lutsan.

Also Read: Da pynche paidbah ya ka aiñ thymme ka MMMCR kawa yatoh wei tih moo tih chyiap

Advertisement ad1

0 Comments

Leave a Reply