Shillong: Ka Khasi Students’ Union (KSU) da pynsñiaw ko yei sñiaw lyngngoh wei khyrngiat yeiwa thap biang ya ki arngut kiwa yahkhmat ka seiñ wei dang pynngat chooh chooh ya ki ha ki mutkotduma wa boon.
Ini da che kdar yei kwah leh bor wei pynemkaam bakla ya i bor kam wow pynhiar tput ya ki dkhot ka seiñ wei ini i leh man i thij kam ha jylla Jammu & Kashmir.
Ka seiñ da beiñ joor ko yeini leh ki pulit ka Ri-Bhoi District wei ini daw pynchrai wei daw pynkyr’ooh chooh i yei diñ wa kop hei yatoh wa ini i kaam.
Ha pyrdi ini i chah pynchitom ki dkhot, ka seiñ ym ran dien ko wei i pyrchah ya ka luti rel hapoh u pood u ang ka jylla u pteiñ i.
U Dr. Mukul Sangma da kam u wa da em kitæ ki aiñ wa khlan wow yada yei psiah i mih ki baar jylla tangwa hadooh katni ym pu em krehkaam pura ki kamtæ kammon u man ki kiwa khlan? Da kylli ka seiñ.
Yow ngait yeini i khlan bor kini ki aiñ toh u pynkrehkaam noh ka sorkar ya ki yow yoh u bichaar yei rukom krehkaam kini ki aiñ.
I pyrchah ka seiñ ya ka luti rel toh kawa da slem nadooh kiwa mihkhmat wa rim, lah wow dooh ya ka luti rel bar yow dooh noh ka jaitbru.
Kani toh kat kam ka khubor na u President ka KSU-CB u Lambokstarwell Marngar.
Discussion about this post