theme-sticky-logo-alt
theme-logo-alt

Hap pyndam ka yakhun Semi Final neidaw wa at-lyngkhiang ka madan Kiang Nangbah

Jowai: Ka Inter School Football Cup 2017 wa pynman ha Kiang Nangbah Stadium, Ladthalboh ynne ka sngi da pynman ya ki yakhun Quarter Final yong ki kynthai wa ki Semi Final yong ki chynrang.

Ha ka kyrdan Under 17 Girls, ka Quarter Final da pynman ha pyrdi ka Moodymmai Secondary School wa ka North Liberty HS School. Ka Moodymmai da jop ko da 2-0 lyngba ka chut Tie-Breaker.

Ha ka jooh hi ka kyrdan ka St. Dominic Higher Secondary da pynrem ko ya ka Little Flower, Ummulong da 1-0 lyngba ka chut Tie-breaker.

Ha ka Under-14 Boys ka yakhun Semifinal wa nyngkong, ka Marian Hill HS School da pynrem ko ya ka North Liberty da 3-1

Ha ka jooh ka kyrdan ka yakhun Semi Final wa ar, ka Govt. Boys’ HS School da pynrem ko ya ka HK Singh Secondary Memorial School da 4-0.

Ha chwa u sdang ka Semi Final Under-17 Boys’ ha pyrdi ka North Liberty wa ka St. Dominic da hiar u slap wa ka la-ær wa joor bha wei da mih biang i kjut warim kani ka madan heiwa da sdang ko u at la-ær kyllein kylleiñ ki thaw hadooh wa da haap pyndam noh ya ka yalehke wei da kyrriah tarik ya ka cha ka 2 waje i sngi mynstep.

Ka Final wa da tikna ha ka kyrdan Under-14 Boys ha ka 12 tarik uni u bnai toh ha pyrdi ka Marian Hill HS School pyrchah ya ka Govt. Boys’ HS School heipor 10:30 i step.

Also Read: At-lyngkhiang ka madan Kiang Nangbah Stadium pep ka yaleh 1st Division ynne ka sngi

Share this:
Previous

Ye u psiah u HS Shylla cha ka NPP

Next

Ham pynkyr’ooh yei diñ wa kop: KSU