Shillong: Kiwa kreh mylla ha ka Indian Council for Agricultural Research (ICAR), Central Agriculture University (CAU) wa ka National Bureau of Plant Genetic Resources (NBPGR) da mih sarok ki ynne ka sngi wow pyrchah joor ya i chah khate ka nongsngi ki hadooh 40 chah ha ka sorkar pyrdi.
Kamwa 500 ngut kiwa kreh mylla wa kynthup ya ki chynrang, ki kynthai, na kini ki le tylli ki tnat kiwa em ha Umiam, Ri-Bhoi District da pynman ki ya ka lai kjat na khmat ka Central Agriculture University chadooh cha yungkrehkaam ka ICAR ha Umiam deilang wa ki lama, ki kot wa em ki thoh pynrem joor ya ka sorkar u Narendra Modi.
Ya kin kiwa mylla da kyrchaan leh da ka Confederation of Ri-Bhoi People (CoRP) hapoh i yahkhmat u President ka seiñ u Bandari Ryntathiang.
Kini kiwa kreh mylla da em kiwa kreh hadooh 20-30 snem hanla kattæ leh dang cha khate bai nongsngi ki wei da em leh kamwa 9 ngut kiwa na ka ICAR kiwa da chah beh kreh ha kiwa heh yong ki.
U Marius L Nonglait uwa kreh mylla ha ka NBPGR la 20 snem da ong u wa ha kani ka tnat, da em kamwa 22 ngut kiwa kreh mylla wei da chem chitom ha uni u snem nei leh ka sorkar wow ah 40 chah ya ka nongsng ki. Da ong u wa kiwa mylla da su ya ki heidor T. 7000 ha ka chi bnai tangwa dei chah ah ki 40 chah daw hiar ka tulop ki cha ka T. 4000.
Da ong u wa kiwa kreh mylla da thooh yutip ki chaphang ini wei da chem ki wa da duna ka mang tyngka ka sorkar pyrdi.
“Chah ah nongsngi du ya i kiwa mylla iwa mut wa u Modi yoo beiñ u ya i” da ong u Marius.
Kawi ka kong kawa dep chah beh kaam da ong ko wa hadooh ka EPF yong ka leh ym em de pyllait ki ka hadien wa dadep pynbiang ko waroh ki kot ki sla.
Da pyntip ki leh ya ini waroh da pyntip ki cha u Vincent Pala, MP.
U President ka CoRP u Bandari da ong wa ka seiñ daw yaklam ko wa ki bor wa pait ya ini wei ka seiñ da kyrchaan ko ya kini kiwa kreh mylla hadien wa yoo ko yei chah leh beiñ ki.
“Daw thoh i cha ka NBPGR ha Delhi wow phah sangeh ya ini chah ah nong sngi kiwa mylla”, ong u Bandari.
Discussion about this post