Da ka seminar pynman ka KNGC yow sñiawthooh yei pyrkhat pyrdaiñ ki bru

Jowai: Kiwa puræ ha Kiang Nangbah Government College ynne ka sngi da yoh ki u ap u sñiaw ya kiwa boon kiwa klam hajrong ki phang waphær waphær nadooh chaphang i yimphoo, i klam beiñ, ki parom wa rim wa kiwi kiwi kam chibynta ka Seminar wa tip kam ka “Exploring the Theory and Praxis of Cultural Poetics” wa pynman da ka English Dept. ka Kiang Nangbah Government College.

I thmu kani ka Seminar toh wow pyrchang u sñiawthooh kammon mih i myllien ka jiatbru nadooh i rukom pyrkhat pyrdiañ, ki kaam wa leh ki ha ka imlang sahlang wei kiwa leh pyrchah leh neiyi i daw leh ki.

Ya ka Keynote Address da e da u Desmond Kharmawphlang, Head Deptt. Of Cultural and Creative Studies, NEHU uwa klam chaphang i yimphoo deiwa ong wa ki bru yimphoo ki ym du heipor wa thiah, yimphoo ki leh heipor wa chong wa lai. Ong u wa heipor yong rim ki bru wa tip u batai yei yumut ki yimphoo da burom bha ya ki wei kamjooh hadooh katni ya ini da leh da ki Psychoanalyst kiwa pyrchang wow yarap ya ki bru wa khia i pyrkhat yong ki.

Da ong u leh wa i por wa yimphoo ki bru wa yoh ki u yut na iwa jia man ka sngi da yarap ko leh ya kiwa thoh kot thoh sur u thoh ki ya ki rwai ki sur wa pawnam ha pyrthai.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da em leh ki bru wa ye u yoo yeiwa daw jia heipor yongrim wei ya kini ki bru da burom ya ki hadooh ki syiem.

Ka Dr. B.W. Nongbri, Registrar William Carey University, Shillong hei klam yong ka kam ka symbood kongsan da ong ko wa da toh i por u kylla noh yei rukom hikai i wei wow pynchlur ya ki khynnah wow thoh ki katkam wa sñiawthooh ki wei lada phær i na iwa hikai ya ki tangwa ym em bakla ki ym toh u pyndooh mynsien ya ki wei kam kiwa sikai ymtoh u kut i sikai du katkam wa thoh ha ka kot, toh u lai palat wa kam kiwa sikai wa da jooh myllien ki.

Ka Dr. Roplyneda Lyngdoh, Guest Lecturer, Department of Cultural and Creative Studies, NEHU da klam ko yei rukom man ki bru yong i hei rukom klam beiñ i ya kiwi nadooh ka niam, ki jaitbru, i kyrdan kreh heiwa ki Bhoi, ki War, ki Pnar ki Khynriam em ki ya jar jiar ki khut sin ki klam pynhaap kiwi ya kiwi, waroh pynyoo ko yei rukom pyrkhat wa i rukom sñiawthooh iwi ya iwi.

Waroh ynne ka sngi da em 9 ngut ki Lecturer kiwa sikai wa wan klam ha ki phang waphær waphær heiwa kiwa emlang da yoh myntoi bha ki.

U kongsan ha kani ka sngi toh u DM Wallang, ADM WJH.