Shillong: U General Secretary ka UDP, u Dr. Jemino Mawthoh da kyntait u yei leh thombor u President ka UDP u Dr. Donkupar Roy hei yatoh wa i krehlang ka UDP-HSPDP kamwa da pynpaad u HS Shylla, deiwa ong u wa man i iwa sñiawkmen wow ye u pynman sakhiat yei angnood ki paidbah.
Hawa klam u wa kiwa thoh khubor ynne ka sngi, u Jemino da ong u wa ye u em i sñiawyaphær yumut tangwa ka UDP hawa kut da poi bait ko ha kajooh ka sur wei ini toh i mynsien kiwa yahkhmat ka UDP wow krehlang ym wow jop Election wa kyrpang dooh toh neibynta ka jait bru da ong u Dr. Jemino.
Ynnin ka sngi u HS Shylla da pynbaad u wa u Dr. Donkupar Roy wa u Ardent M Basaiawmoit ka HSPDP da leh ki yeini wow yatoh lok khlem pyntip cha ki dkhot ka seiñ.
U Dr. Jemino da ong u wa i klam u Shylla pyrchah ya u Dr. Donkupar Roy toh katkam wa sñiaw u samen wei ymtoh katkam i sñiaw ka Party.
Heijooh i por leh u Dr. Jemino ym em u len u yei tyrwa u Shylla wow yatylli ki seiñ ki ri-loom khamtam ka UDP waka HSPDP.
Discussion about this post