Shillong: U MLA warim ka Mawlai uwa jooh man leh kam uwi na kiwa yahkhmat warim ki seiñ ri-loom u S.D. Khongwir da ong u wa i elaad ka UDP ya ka HSPDP wow yakhun Election deiwa sñiawthooh ha ki kattu katni ki Constituency toh iwa bakla.
Ini i ong u toh katkam wa chem samen u nachwa wei i wymjooh em poi i cheiwon iwon leh.
Hawa thooh yumut u Wyrta yei klam u HS Shylla, u Khongwir da ong u wa ym sñiaw yahaap u yei kylla ktien u MDC ka Nongkrem.
Da ong u leh wa hei sakhiat kam uwa mihkhmat paidbah toh u sñiawthooh u yei pyrkhat yei bha i miat wei lada kiwi ympu em bha poi ki ha katæ ka kyrdan wow krehlang toh iwa eh bha.
Da ong u wa hei sakhiat i krehlang ka UDP-HSPDP toh iwa bha lada ki paidbah leh kwah ki yeini heiwa kiwa mihkhmat ye ki u krehlang tangwa lada ym ya sñiawthooh lang ki daw wanrah ko yei eh i khoo ya ki paidbah.
U Khongwir da ong u wa da maad ya ini i krehkaam ki seiñ ri-loom nachwa tangwa ym em ki i mynsien wow krehlang heiwa waroh sñiaw sarong ki wei ym hoi de u rem ki.
Discussion about this post