Jowai: Ka seiñ All Hynniewtrep Peoples United Front (AHPUF) ynne ka sngi da pynman yalang paidbah ko ha Iawmusiang hajrong ka phang wow chongkha kulmaar wa i sih wa mih na i dih kiad wa drugs.
Ha kani ka sngi da wan leh u Wailadmiki Shylla uwa man u kyrtong ha kani ka Election 2018 kam u kongsan.
Ya kani ka yalang da pyllai da u A. Majaw wei da yoh yei puræ poitri na u dkhot ka seiñ.
Ha i klam u C. Sungoh da ong u wa i kaam chongkha toh iwa emkaam u pyrkhat dei miat næ haap pyrkhat yei rta wa ya ki jaitbru. Da e nongmuna u leh ya kiwa chongkha wa ki dkhar heiwa ki chynrang dkhar jooh yut ki hadien wa yoh khon ki.
U Wailadmiki hei klam da e yaroh u ya ka seiñ wa da pynman ko ya kam kani ka yalang paidbah heiwa daw yoh myntoi bha ki paidbah.
Da ong u leh wa emkaam wa ki bei ki pa wow sneiñ wow kroo ki ya ki khon ki nadooh wa dang khian khnang wow lait ki u ngat hakam kini ki kaam.
Da pyntipmit u leh pyn ya oo hi wa daw yaleh u ya kani ka Election MLA na Jowai ha uni u 2018 hajrong ka thong wow wanrah yei roi i paar.
Discussion about this post