Ym hun kiwa sikai ka NEHU wow yoh tulop T. 1.6 Lak chi bnai: Dr. Henry Lamin

Shillong: I pakhot ktieh hapyrdi kiwa sikai ka North Eastern Hills University Teachers Association (NEHUTA) wa ki bor pyllai yong ka NEHU dang joor i neibhah ka Hills Areas Special Allowances (HASA).

Ka NEHUTA da dawa hiar chuki ki ya u Vice Chancellor u Prof. S.K. Srivastava deiwa booh por chi tayaw. Ki bor pyllai ka NEHU won da pynbaad kylla ki yei yakhih ki NEHUTA deiwa ong wa chim kabu ki ya ka HASA neibhah ymtoh ki bor pyllai ka NEHU namo u Vice Chancellor wa pyndam ya ka toh iwa leh ka sorkar pyrdi.

U Pro Vice Chancellor ka NEHU, u Dr. Henry Lamin uwa pait yei pyllai ya ka NEHU, hawa klam u wa ki laad pathai khubor ynne ka sngi, da ong u wa i dawa kiwa sikai ka NEHU wow pynkrehkaam biang ya ka HASA ymtoh i bor yong ka NEHU, ini chong i ha i kti ka sorkar pyrdi kawa da pyndooh ya ka.

U Dr. Henry da pyntip u leh wa ka sorkar pyrdi da booh por ko hadooh ka 15 tarik uni u bnai wow pynkut noh ya ka HASA.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

“Em ki kattu katni kiwa sikai kiwa kam wa ki toh kiwa stat kiwa chemphang kiwa stat u thooh bniah wow kyntu ya ka ri-loom tangwa i rukom pyrkhat yong ki toh wow ksih bait wei wow thooh laad leh wow yoh myntoi ki dei ban ya ka ri-loom” da pynbaad u Dr. Henry.

Da ong chooh chooh u wa i pyndooh ya ka HASA toh yow wanrah i su tulop wa salonsar ya waroh ki skur bah wa em hapoh ka ri.

Da ong u wa kiwa sikai yoh tulop ki T.1.6 Lak tangwa ki dang kwah boon chooh chooh ki iwa pynyoo wa ym kwah ki u pynku pynroi ya ka jylla neibhah ini i yakhih yong ki daw ktah ko ya ka mynried ka mankawi kiwa lai puræ.

Katwa neiliang ka NEHUTA, u Prof. X.P. Mao wa u Dr. MSN Rahman da pynbaad ki wa u Vice Chancellor ka NEHU ym jooh burom u ya ka Executive Council wa ka Academic Council. Da ong ki wa ha ka yalang wa 48 yong ka Executive Council kawa man ha ka 15 tarik u Naisan, da rai wa ya ka HASA toh u rah ha ka yalang ka Academic Council tangwa u Vice Chancellor da pyntip u cha ka Ministrty of Human Resources Development (MHRD) ya ka rai ka Executive Council wa ka pdiang ko yei paan u Visitor u President ka ri wow pyndooh noh ya ka HASA.

“U VC da leh u ya ki kaam wa bakla wow tyngkheiñ ya ka aiñ. Hoi hi u chah i yeini? Hoi hi u chah pyndooh kaam ya i du na ki daw wym chong nia deiwa pynemkaam bakla yei pyrtuid ka Executive Council? Da kylli kiwa sikai ka NEHU.