Shillong: Ka Ministry of External Affairs (MEA) wa ka Department of Posts (DOP) da pynbna ki wa u pynkrehkaam ki ya ki Head Post Offices (HPO)/Post Office hapoh ka ri kam ki Post Office Passport Seva Kendra (POPSK) yow ye ki paidbah u yoh ya ki Passport yong ki kam chibynta wow suk ki kaam yaleh Passport.
Na waroh ki 86 tylli kiwa da pynbna kam ki POPSK, 52 tylli da krehkaam ki heiwa kawi toh kawa em ha Silchar Assam kam chibynta ka First Phase. Ka MEA wa ka DOP leh dang krehchitom ki wow pynkrehkaam sa ya ki 34 tylli ki POPSK hapoh kani ka First Phase.
Hadien wa chem ka MEA wa ka DOP wa ki paidbah kmen bha ki ya kini ki POPSK da chim saka rai wow wai sa 149 tylli ki POPSK wei waroh da poi ki 235 tylli hapoh ka ri.
13 tylli ki POPSK daw booh ha Arunachal Pradesh, Assam wa ha Meghalaya. Ki thaw wa da dep jied hapoh kini ki le tylli ki jylla toh Changlang, Tirap, Dhubri, Dibrugarh, Goalpara, Karbi Anglong, Kokrajhar, Mangaldoi, North Lakhimpur, Sonitpur, Tinsukia, Baghmara wa ha Tura.
Ka Ministry of External Affairs da dep wai ko leh 14 tylli ki Passport Seva Laghu Kendras (PSLK) hadien u Naisan, 2014 kiwa kynthup lang leh ya warh ki jylla ka North East wei deiwa em ki 235 POPSK, Passport Seva Kendras waroh ki laad yoh Passport hapoh ka ri da poi ki cha 251 tylli.
Discussion about this post