15 49.0138 8.38624 1 0 4000 1 https://wyrta.com 300 0
Advertisement ad1

Kylla ktien 2 ngut ki MDC deiwa kyruiñ biang cha ka PDF

0 Comments
Advertisement ad1
Advertisement ad1

Shillong: Chisngi hadien wa soi pyrtuid ki seiñ ri-loom wow mih noh na i krehlang wa ka People’s Democratic Forum (PDF) ha KHADC, 2 ngut ki MDC wa kynthup ya u Adelbert Nongrum MDC ka KHNAM na Jaiaw wa u Blandingstar Warjri MDC ka HSPDP na Mawthadraishan, da kylla ktien ki wei da lai psiah biang ki cha ka PDF hapoh i yahkhmat u Pynshngain N Syiem kam u CEM.

U Adelbert hawa pynksan u yei lai biang u cha ka PDF da ong u wa hadien wa u CEM ka KHADC, u Pynshngain N Syiem da wanrah u ya ka rai hapoh ka yung dorbar ya ki dawa yong ka party ha ka sngi sdang ka dorbar mang tyngka ynne ka sngi wow pynkylla noh ya ka section 128 yong ka Assam-Meghalaya Autonomous District Council Rule wow khang laad ya ki baarjylla wow yoh ki u thap vote ha ka Election cha ka District Council wei wow pyndam noh ya waroh ki Trading License wa da dep e cha ki baarjylla ki wym biang ki kot ki sla wei wow pyndooh noh ya ki agent e license ya ki wa mylla na baar jylla.

Advertisement ad1
Advertisement ad1
Advertisement ad1

U Adelbert Nongrum da ong u ya ini hadien wa wai ka dorbar neibhah da sñiawhun u yei rai ka Executive Committee ka PDF.

Hawa pyrchang wow yachem ya u MDC ka HSPDP hajrong i daw wa uiñ biang u cha ka PDF ym em u yohlaad neibhah ym em wan u cha ka dorbar.

Advertisement ad1
Advertisement ad1
Advertisement ad1

0 Comments

Leave a Reply