Kamwa soophaw hajar duna ka mang tyngka ka KHADC wa wanrah ynne ka sngi

Shillong: U CEM ka KHADC u PN Syiem ynne ka sngi da wanrah u ya ka mang tynga wa duna (deficit budget) T. 40,130  neibynta u snem 2017-2018 ha ka sngi wa nyngkong ka chong dorbar ka KHADC wa tip leh kam ka Summer Session.

Heipor wa wanrah u CEM ya ka mang poisa da ong u wa i pynlut daw poi i hadooh T. 2,01,59,30,220 katwa yoh nong won u poi i T. 2,01,58,90,090.

Da ong u leh wa ya ka “Council Session Hall” da chna deiwa yoh yarap poisa naka 13^th Finance Commission wei i chna ya ka yung dorbar ki MLA “Legislative Building” da sdang kreh ya ka.

U Syiem da ong u leh wa daw sdang chna ya ka Council Guest House, Khasi Traditional Medicine Institute, Khasi Traditional Museum wei ym slem de da sdang chna ya ki.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Kamjooh da ong u wa ki yabhah ya ka dan wa khrong ka sorkar jylla hei yatoh waka aiñ Motor Vehicle Act, ka Council ha u snem 2016-2017 da yoh boon ko wei kiwa dang sah yong u snem 2014-2015 and 2015-2016 ympu em yoh ya ka.

Hei yatoh won wow pyllait poisa wa ki mar pohkhyndaw (Major Minerals) ha u snem 2017-2018 da ku ko katkam wa da mang wa pyllait ka sorkar jylla wei da poi ko T. 19,50,47,790 da pyntip u leh wa dang sah sa T. 16,91,98,380 kawa ympu em pyllait.

U Syiem da ong u leh wa ka Executive Committe daw chna ko sa ka tnat Conservation & Promotion of Traditional Culture ka wow haap hapoh ka tnat Arts and Culture kamjooh wow kyntu ya ki kaam Sports ka wow pait da ka tnat Youth Affairs.

Da ong u leh wa sa kawi ka tnat Special Town and Rural Welfare Programme ka wow em hapoh ka General Administration Department da dep chna yow yarap ya ki manyung wa dooh wa duk.

Hei yatoh won wow pynku ya ka tulop kiwa kreh ka KHADC da ong u wa ka EC da dep booh ko ya ki kyndon hapoh ka mang tyngka hadien wa pynkrehkaam ka sorkar jylla ya ka 5^th Pay Commission.