15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ka No Confidence Motion kwah ki seiñ u pynhiar ya u PN Syiem kam u CEM ka KHADC

0 Comments
Advertisement ad1
Advertisement ad1

Shillong: Ka liang pyrchah wa kynthup ya ka UDP, HSPDP wa ka KHNAM da rai ki wow wanrah mynstep ka 21 tarik da ka No Confidence Motion wym chaniah de ki ya ka Executive Committee ka PDF wa yahkhmat da u Pynshngain N Syiem kam u Chief Executive Member (CEM).

Ya kani ka No Confidence Motion daw wanrah da uwa yahkhmat wa ksoh kam u Parliamentary Party Leader ka United Democratic Party (UDP) wa ka Hill State People’s Democratic Party (HSPDP) wa ka KHNAM,  u Teinwell Dkhar wa ka Teilinia Thangkhiew.

“I da dooh i yei chaniah yei synchaar ka Executive Committee ka People’s Democratic Forum (PDF),” da ong u Teinwel Dkhar.

Da kam ki leh wa u CEM da thmu u wow tympra ya ki seiñ ri-loom deiwa chim kabu yei pyrtuid ka People’s Democratic Front.

U Dkhar da kyrmen u wa ka No Confidence Motion daw jop ko mynstep.

Da ong u leh wa ka Congress kawa chong ha ka liang pyrchah katni ym pu em yaklam wow chna ya ka EC wa ka.

Ha iwi i liang won u CEM ka KHADC u PN Syiem da kop u wa ka EC yong oo u neh ko wei ym em khuslai u yei leh ka liang pyrchah.

Da ong u leh wa u MDC ka HSPDP u Blanding Warjri dahun u wow kyrchaan ya oo (Syiem).

Ha iwi tawon i liang u wa yahkhmat ka Congress u Manstudy Nongrem, MDC ka Langrin da kylli u wa kammon u Chairman ka Council u LG Nongsiej da elaad u wow lai bait ka dorbar ka KHADC hadien wa ka EC u Pynshngain ym em de ko ha i bor wow man u kam u Pynshngain kam u CEM?

Share this:
Previous

Kamwa soophaw hajar duna ka mang tyngka ka KHADC wa wanrah ynne ka sngi

Next

Ka thma u pteiñ ko neibynta ka jaitbru wow khang rel: KSU