Da wai ya ka yung wa sa’ang dakha wa T. 5 lak tam ha Umladkhur

Shillong: Yow yarap ya kiwa sa’ang dakha, ynne ka sngi da wai ya ka Smoke Fish Working Shed (Community) wa em ha ka chnong Umladkhur hapoh ka Amlarem C&RD Block, West Jaiñtia Hills District.

U D.M. Wallang, Project Director of District Rural Development Agency (DRDA), West Jaiñtia Hills, da ong u wa kani yung sa’ang dakha yong chnong toh kawa nyngkong hapoh ka jylla wei ye u man leh ha waroh ka ri. Da ong u leh wa deiwa em kani ka yung daw yarap ko ya kiwa sa’ang dakha u pynku yei khlan u sa’ang dakha deiwa pynemkaam yei stat u yong rim kamjooh leh wa katni.

Ya kani ka Smoke Fish Working Shed ha Umladkhur da ye u chna deiwa kreh lang ka MGNREGA & MIE (Meghalaya Institute of Entrepreneurship), Meghalaya Basin Development Authority (MBDA) wa ka DRDA, West Jaiñtia Hills District. Da chna ya ka hei dor wa T. 5,40,200.

Ki wa sa’ang dakha katni da pynmih ki boon jait ki baam kam ki achar dakha, fish ball wa kiwi kiwi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hapoh kani ka yung sa’ang dakha da em leh ka tyndur sa’ang dakha wa tip kam ka COFISKI wa da e da ka ICAR-CIFT, Kochi ka wow yarap deiwa duna i lut dieñ heipor wa sa’ang kamjooh leh duna wa mih tdem iwa yarap yei chait i khiah kiwa sa’ang kamjooh ki dakha wa sa’ang ha kani ka tyndur thymme neh ki hadooh 3 bnai.

Ya kani ka Community Smoke Fish Working Shed u pait ya ka da ka Seng Trea Multipurpose Co-Operative Society Ltd.