Jowai: Kam chibynta wow kyntu kynrong ya ka yalehke Football hapoh jylla, da seiñ yaka Futsal Association of Meghalaya (FAM) wei wa da dep register ya ka hapoh ka Meghalaya Societies Registration Act of 1983.
Ka Futsal man ko ka yalehke football wa san ngut chiliang wei ya kani ka yalehke da leh ha kylleiñ ka pyrthai wei boonsien ya ka da yaleh hapoh ki Indoor Stadium.
Da seiñ ya kani ka FAM toh wow sikai ya ki kynnah khynroo chaphang ka Futsal lyngba ki Tournament waphær waphær ha District wa ha ka jylla waroh kawi wei wow pynmih ymtoh du yaki wa yalehke Futsal kamjooh ya kiwa yalehke Football leh kamjooh.
Da em leh i yaklam wow pynpsiah yaka Futsal Association of Meghalaya waka Futsal Association of India.
Kiwa kitkaam yong ka FAM kynthup ki ya u A. Bhagotia kam u President, u Brightstar Langbang kam u Vice President, u Debertgil Dkhar kam u General Secretary, u Melvin Kharkongor kam u Joint secretary, u Wanraplang Kharmalki kam uwi na ki Executive Member wa kynthup ya u Dauniwanchwa Phawa, u Wompher Lamare, wa u John Kharmalki.
Discussion about this post