15 49.0138 8.38624 1 0 4000 1 https://wyrta.com 300 0
Advertisement ad1

Da ki yalang paidbah ha Ri-Bhoi u pteiñ i yakhih pyrchah luti rel ki le seiñ

0 Comments

Shillong: Ki le seiñ wa kynthup ya ka FKJGP, RBYF wa HNYF da chim ki ya ka rai wow pynman yalang paidbah haki le tylli ki thaw ha Ri-Bhoi wow pynche wei wow paan yei kyrchaan na ki pidbah hei yatoh wa i yakhih pyrchah ya ka luti rel.

Ka yalang daw sdang ko ha ka 13 tarik uni u bnai ha Nongpoh, ha ka 18 tarik ha Byrnihat wa 21 tarik won ha Umsning. Daw pynman yalang leh ha Mawlai, Malki, Nongthymmai wa ka yalang wa khaddooh ha Motphran.

U president ka FKJGP u Wellbirth Rani hawa yaklam wa kiwa pathai khubor ynne ka sngi da ong u wa ka yalang toh wow pynche paidbah yei daw wa pyrchah ya ka luti rel.

Kini ki yalang man ki kam wow pteiñ yei yakhih na iwa da dep pynman ha ka 21 Naiynru dei chong kyllaiñ myngngor ha Shillong.

“I ong ka sorkar wa i kreh u lai bait i chakhmat man i kamwa pynkyr-ooh ya i diñ wa kop heithaw wow tympleh ki” da ong u Rani.

Heijooh i por da beiñ ko ya ki bor district ka Ri-Bhoi, khamtam ya u DC wa u SP kiwa da phah thooh phah kem ya ki dkhot ka KSU iwa da pyntieñ ya kiwa hayung hasem yong ki, yeiwa da dawa wow pynsangeh noh pynkatni hi.

Advertisement ad1

0 Comments

Leave a Reply