Shillong: Kam chibynta wow pteiñ ya ka sngi “International Day against Drug Abuse and Illicit Trafficking 2017” hajrong ka phang “Pyllut por wow ap u sñiaw yeiwa klam ki khynnah ki khynroo yow ye u yah luti ki cha kawa bha wa miat” da pynman da ka yalang pynsñiawthooh paidbah da ka yung krehkaam ka District Social Welfare Officer, East Khasi Hills hei ya krehlang waka Meghalaya AIDS Control Society (MACS) ynnin ka 14 tarik ha Madanrting, Shillong.
Ka M. Kharkongor, Chairperson, State Commission for Protection of Child Rights, Meghalaya da wan ko kam ka kongsan hei emlang ka C. Lyngwa, Spl. SP, CID, ka Z.J.Lyngdoh, District Social Welfare Officer, East Khasi Hills, u W.A. Kharkongor, Assistant Director, MACS, u B. Kharkongor, Rangbah Shnong, Madanrting, Executive Members Dorbar Shnong Madanrting, ki dkhot ka VHAM, VDP, NGOs, ki khynnah skur wa kiwi kiwi de.
Ka Kharkongor da baan joor ko wa emkaam wow pynman ya kam kini ki yalang pynsñiawthooh paidbah khamtam ya ki khynroo khyllood hadooh ki khynnah yei ma i dih kiad, ki drugs wa kiwi ki jait pynmuaid. Da ong ko leh wa i kyrni i dih kiad, ki drugs hapoh ka imlang sahlang daw ieñ ko ya kiwi leh kamtæ da kyntu ko leh ya kiwa sikai yow pait bniah bha ki yei kylla ki rukom man ki khynnah neiwa jooh man ki.
Iwa emkaam dooh toh ya ka imlang sahlang wow mih ki wow yaleh pyrchah deiwa pynemkaam ya i bor maya para bru u kyrchaan ya kiwa da chah kdhoh cha khoom pynkut ka Kharkongor.
Ha kani ka sngi da saam khusnam leh cha kiwa jop ya ki yakop waphær waphær.
Kiwa emlang ha kani ka sngi da yoh ki leh ya i batai bniah chaphang ki Drugs naka K. Kharbangar, Programme Manager, VHAM, u R. Rajee, President, VDP, Madanrting, u O. Syiemlieh, OC, Madanrting Police Station.
Discussion about this post