Ha Bangladesh ym em de ki seiñ kieñ suloi: BGB

Shillong: Ka Border Security Force (BSF) wa ka Border Guards Bangladesh (BGB) ynne ka sngi da ong ki wa ym em ki ktem rieh ki seiñ kieñ suloi naki thaiñ mihsngi ka India hapoh ka ri Bangladesh wei ini toh katkam ka yutip wa yoh lang hapyrdi ka India waka Bangladesh.

“Em ki wow ong wa nga toh na Bangladesh tæ ong ki ya ini tangwa nadooh i tre u nood u klongsnaam O ong O ya phi wa ym em kawi leh ka ktem ki seiñ kieñ suloi hapoh ka Bangladesh,” da ong u BGB Addl. Director General, M. Zahid hadien wa kut ka yalang hapyrdi ki Inspector General, BSF wa ki Region Commanders ka BGB wa pynman ha Shillong.

Da pyntip u leh wa da dep yachem ki wa u Meghalaya Director General of Police (DGP) SB Singh yow yaklam hajrong kani ka phang wei da kular u ya oo wa ym e thaw ya ki seiñ wa leh pyrchah ya ka aiñ India wow chongsuk ki hapoh Bangladesh.

Chooh chooh da ong u wa emkaam wa ya e yutip lang hapyrdi ki ri yow ye ki u leh yeiwa emkaam neiliang ka Bangladesh.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Neiliang ka BSF Meghalaya Frontier Inspector General, P.K. Dubey, oo leh da monjur wa ya iwa ong ka BGB.

“Ym em de kini ki seiñ kamwa jooh em ki 10 snem nachwa, kiwa rieh toh kiwa kattu katni ngut kiwa da kylla pyrtuid kamjooh kiwa da chong kha ha Bangladesh,” da ong u Dubey.

Ka BGB won da ong ko wa lada em yutip wa tikna yei thaw rieh kini ki jait bru wa ki yung ki sem ha Bangladesh emkaam wow e yutip ka India cha ki neibhah ki kat yeini ym tip ki.

Ha kini ki 4 sngi wa pynman ya kani ka yachem lang da klam leh chaphang i pynpsiah ya ki tiar siat ki tiar tympdung ki drugs wa kiwi kiwi.

U BGB Additional Director General da ong u wa na Bangladesh ym em mih ki drugs tangwa kiwa poi cha Bangladesh toh kiwa wan na India hi.

Da ong u leh neini i daw boon ki kynroo ka ri Bangladesh da sdang ki u chah kdoh ha ki drugs.

Hei yatoh won waka Jaamat-ul-Mujahideen ka seiñ kieñ suloi ki bru Islam heiwa kylli ya oo boi emkti ki wa ki seiñ kieñ suloi na kani ka thaiñ India, da jubab u deiwa ong wa oo ymtip u yeini tangwa kini ki jaitbru ymtoh kiwa em ri wei ya ki leh u pynchitom kamwa leh ya kiwi.