Jowai: Ynne i sngi ka 17 tarik ka Dorbar Chnong, Loompyrdi Iongpiah, Jowai da chimkhia ko wow pynkhooid ya ki kyntoit yong ka, kamjooh ya ka Aitnar, Jowai.
Yeini da leh hadien wa da pyndep ya ka lehniam Behdieñkhlam yong ka Raij Jowai, ynnin ka 16 tarik.
Ha ini i pynkhooid da embynta leh ym du ki khon ka chnong tangwa da em leh ki dkhot ka Art of Living, Jowai.
Yeini i pynkhooid da leh hadien wa wan tooid ki paidbah na kylleiñ ka jylla wa ka ri wow wan sakhi ya ka sngi khadooh ka lehniam Behdieñkhlam heiwa ki rood sarok da man ki kiwa tngit wa jakhlia.
Chooh chooh ka Loompyrdi Yongpiah ha ka 10 tarik uni u bnai kawa man leh ka sngi tympat Dieñkhlam da pynman ko ya i thung dieñ kamwa 30 tre dieñ ha Liar Pamkam.
Discussion about this post