Da yoh ka ri ya u President wa 14 yong ka

U kyrtong ka NDA u Ram Nath Kovind u man u kam u President wa 14 ka ri India hadien wa pynrem u ya ka kyrtong ka Congress ka Meira Kumar deiwa yoh u 65% ka vote kawa poi 702044 katwa ka Meira Kumar won da yoh ko 367314.

U Ram Nath Kovind daw pynbaam smai ya oo ha ka 25 tarik uni u bnai hadien wa kut ka samoi u President warim u Pranab Mukherjee.

Ya u Ram Nath Kovind da kha ya oo ha ka chi tarik Naichiphaw 1945 ha Kanpur Dehat, Uttar Pradesh wei da man u kam u muktiar ya ka Sorkar Pyrdi ha Delhi High Court nadooh u snem 1977 hadooh u snem 1979 wei da man won u kam u muktiar ka Sorkar Pyrdi ha ka Supreme Court nadooh u snem 1980 hadooh u snem 1993.

Da thung ya oo leh kam u Governor ka Bihar ha u Naisaphra 2015, da jooh man u leh kam u dkhot ka Rajya Sabha nadooh u snem 1994 hadooh 2006 na Uttar Pradesh.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ha u snem 1990 ka BJP da pynyieñ ko da oo wow yaleh ya ka Election Lok Sabha tangwa da rem u. Ha u snem 2007 ka BJP da e ticket ko ya oo wow yakhun Election MLA ha Uttar Pradesh na Bhognipur Constituency tangwa ha kani ka Election leh da rem u.