Jowai: Ynne hawa chong bichaar ka National Green Tribunal ha New Delhi da dap ko dei chrai ya ka sorkar jylla neidaw wym ye ko u jubab deiwa biang ha kani ka yung bichaar.
Ka sorkar Meghalaya ymye ko u jubab deiwa biang hawa paan ya ka poisa wa da yoh na ki i su ya ki Challan (Declared and Assessed). Heiyatoh wa ini ka NGT da epor ko yaka sorkar hapoh 10 sngi wow jubab cha kani ka Green Court.
Hei yatoh won wei tih mooyong ka sorkar dang paan por biang ko wow pynbiang yaka Mining Plan heiwa ka sorkar da paan ma paan por ko kattu la le snem.
Ka tarik wow chong bichaar biang ympu em u rai ka NGT.
Ki MLA na ri-loom Jaiñtia kiwa da lai cha kani ka bichaar toh u Stephanson Mukhim, u Robinus Syngkon, u Justine Dkhar, u Hopeful Bamon, ki MDC wa wan toh u Phasmon Dkhar.
Discussion about this post