15 49.0138 8.38624 1 0 4000 1 https://wyrta.com 300 0

Toh ka sorkar wow chdooh kti ya ki district thymme: Dr. Mukul Sangma

0 Comments
Advertisement ad1

Resubelpara: U Montri Rangbah ka jylla u Dr. Mukul Sangma ong u wa man i kitkhlieh ka sorkar wow chdooh kti ya ki district thymme wa dep pynmih ka sorkar. Yeini da ong u ha ka sngi lehkmen yei dap 5 snem ka North Garo Hills District ha Resubelpara ynne ka sngi.

Da ong u leh wa nadooh wa pynkha ya kani ka district, ka jylla waroh kawi da em ko ha i por wa chitom wa tyngkhooh ko boon ki moo chynthut hadooh wa ym ye ko u e ya i bor lut yong ka yow wanrah ya ki kaam pynroi. Kamtæ da kyntu u ya ki sahep sorkar wow pyllut por ki ha ki kaam wow wanrah ya i kylla hapoh ka district wei lada ym ye ki u leh yeini daw chitom lut waroh.

Advertisement ad1

Ka jylla toh kawa em hei duna poisa tangwa kattæ leh da leh ko katwa ye yow wanrah yei mynsien wa emkyrmen ha ki paidbah khamtam ya ki khynroo khyllood yow lait ki u sñiaw dooh mynsien.

“San snem nachwa da poi ha uni u moomer wei dang boon wa haap u leh deiwa krehchitom, krehlang deiwa booh ya ki thong kiwa yahaap wa i thrang ki paidbah” da ong u Dr. Mukul. Da pteiñ u deiwa ong wa lada kwah u ku ka district, ki bei ki pa toh u pynchlur ki ya ki khon ki kti yong ki u pyndep ki ya ki puræ puthi ym toh u dam du hadien wa pyndep Class X.

Da kular u leh wa daw chna ya ka Hospital wa em 100 tylli ki thaw thiah wa ka Navodaya Vidyalaya iwa thrang bha ki paidbah.

Ha kani ka sngi leh da pynman ya ka thung dieñ chirup wa kiwa emlang.

Kam wow pynkynmoo ka Resubelpara Civil Sub-Division da pynku kyrdan ya ka cha ka District ha ka 27 Naiynñiaw 2012 hadien 20 snem wa yakhih ki paidbah yow yoh District ki.

Hapoh kani ka District da poi ka Rel wa nyngkong dooh hapoh ka jylla Meghalaya ha Mendipathar. Da pynmih leh ya ka C&RD Block ha Bajengdoba wa ka Kharkutta Police Station toh kiwa da leh ka sorkar hapoh kani ka District.

Advertisement ad1

0 Comments

Leave a Reply