Ki dhab wa jop ynne ka 27 tarik ha ka Independence Day Cup Under-16 Football Tournament 2017

Jowai: Ka Independence Day Cup Under-16 Football Tournament 2017 da poi ko cha ka sngi wa ar ynne ka sngi heiwa da pynman biang sa le tylli ki yalehke.

Ha ka yalehke wa nyngkong hapyrdi ka Khliehmyntang Ialong pyrchah ya ka Shangpung Moolibang, da kut ko mar chi kool. Ya ka Khliehmyntang da thap kool da u Dashwaki Lhuid ha ka minit wa 33 katwa ya ka Shangpung da thap u Heibormi Sungoh ha ka minit wa 42.

Related posts

Khut ka EJDCA wow chimbynta ha ka District League

February 7, 2026

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Ha ka yalehke wa ar, ka Dulong da pynrem ko ya ka Panaliar da 1-0. Ya ka kool wa pynjop da thap u Lastborn Pakyntein ha ka minit wa 21.

Ha ka yaleh wa le won ka Chutwakhu da pynrem ko ya ka Newhill da 2-0. Ya ki kool da thap u Kyntumiki Suting ha ka minit wa 25 wa u Edmund Dkhar ha ka minit wa 59.