Kheiñ beaiñ ka SC ya i thung Parliamentary ha Assam, ha Meghalaya won kammon ma-ai?

Jowai: Ka Supreme Court ha ka 26 tarik uni u bnai da rai ko wa ka aiñ wa chna ka sorkar Assam ha u snem 2004 man ko kawa pyrchah ya ka riti synchaar deiwa thung ya ki Parliamentary Secretary yow man ki i jooh i kyrdan katkam ki Montri ka jylla.

Kiwa chong bichaar ya kani ka mukotduma toh u Justice J Chelameswar, Justice RK Agrawal wa u Justice AM Sapre.

Kani ka hukum ym ktah ko ya ka sorkar BJP ha Assam wa em heibor neibhah ympu em thung Parliamentary Secretary hadooh katni.

Tangwa ye ko u ktah kam ya ka Arunachal Pradesh ka Nagaland kiwa em 26 ngut ki Parliamentary Secretary.

Related posts

Ym yoo deiwa em ka VPP daw man ko iwa eh ha ka Election MDC: Sniawbhalang

November 2, 2024

Cha Mumbai, Bengaluru wa Hyderabad pynkhreh ka sorkar wow pynhær lieñsuiñ na Umroi

November 1, 2024

Ka aiñ ka Assam wa tip kam ka Assam Parliamentary Secretaries (Appointment, Salaries, Allowances and Miscellaneous Provisions) Act, 2004, ka yung bichaar da ong ko wa “Ka Article 194 ka riti synchaar ym chah ko ya ki jylla wow chna ya kam kini ki kyrdan Parliamentary Secretary.”

Katkam kani ka aiñ, ki Parliamentary Secretary da pynyatoh kyrdan ya ki wa ki Montri wei i bor wa ki kaam wa ye ki u leh toh katkam wa pynkup u Montri Rangbah.

Ha u snem 2005 ka sorkar u Tarun Gogoi da thung ki ya 8 ngut ki Parliamentary Secretary. Yeini da em wa e da ka mukotduma hajrong ka yurim wa man ko pyrchah ya ka riti synchaar wa ong wa toh na waroh ki MLA du 15% donhi wa ye u man kam ki Montri.

Kam wow pynkynmoo heini u Madal Sumer na Panaliar, Jowai leh da ujor mukotduma u hajrong ini i thung Parliamentary Secretary ka sorkar Meghalaya.

Yeini da leh u Sumer hajrong ka nongrim wa ini tyngkheiñ i ya ki kyndon synchaar ka Riti Synchaar (Constitution) ka ri India heiwa da ujor PIL u ha ka Meghalaya High Court.