Shillong: U Montri Rangbahdooh ka ri, u Narendra Modi ynne ka sngi da pynbna u T. 2000 Klur kam ka poisa wow yarap ya ki jylla ka thaiñ mihsngi kiwa chah ktah hei chlai um yow yarap pynchna ya ki yung ki sem, ki luti ki syngkieñ kamjooh wow chna yeiwa emkaam yow pynduna i chah ktah ha i chlai um.
Yeini da pynbna hadien wa pyndep ya ka yalang ha pyrdi u Modi wa ki Montri Rangbah ka jylla Assam, Arunachal Pradesh, Manipur wa Nagaland ha Guwahati yow sñiawthooh hadooh katwon joor i chlai um.
Neiliang u Montri Rangbah ka Mizoram u wym ye u wow wan ynne ka sngi wei da phah u da ka dorkhat (memorandum).
Ya ka poisa u yabhah ya ka heiwa T. 1200 Klur u e da ka Sorkar Pyrdi toh wow pynchna yaki sarok, ki yingkieñ wa kiwi de kiwa da jæd da pra.
T. 400 klur won toh yow pynkhlan ya ka wah Brahmaputra yow lait ko u chlai.
Ha uni u snem ka sorkar leh da booh ko T. 600 kam ka State Disaster Response Fund (SDRF) heiwa da dep pyllait ko T. 345 Klur wei kawa dang sah u pyllait noh ka yow yarap ya ki jylla wa chah ktah.
Ka sorkar pyrdi leh u e ko T. 100 Klur yow pynman ya ka thooh bniah yow ye u pynkhreh heipor chlai um.
Daw e leh T. 2 Lak cha kiwa em yatoh ki wa khlaad wei T. 50,000 cha kiwa mynsoo na ka Prime Minister’s National Relief Fund (PMNRF).
Discussion about this post