Jowai: Ka Football Tournament kawa da pynman da ka Cultural Youth Club Mowkaiaw da sdang ko ynnin ka 2 tarik ha Mowkaiaw ha Madan Mukoi heiwa da wan wai ya ka da u EC Dkhar kam u kongsan uwa man leh kam u President ka All Jaintia Students Union ryngkat wa u Dinmiki Pyrhut kam u symbood kongsan uwa man leh kam u secretary ka chnong Mowkaiaw .
Chwa wow sdang ka yalehke da em ka yalang heiwa da yoh yei klam na u President ka Club u Bakin Kamar wa da khana yei thmu wow pynman ya kani ka yakop.
U Dkhar kam u kongsan hei klam da e yaroh u ya ka club heiwa da pynman ya kam kani ka lympung man la u snem yow chem ya i sap yong ki khynroo ka chnong, da ong u leh wa lyngba ka yalehke ye u im ja heiwa da e nongmuna u ya u Eugeneson Lyngdoh, wa kiwi kiwi.
Kam u symbood kongsan u Dinmiki Pyrhut kamjooh u N. Lamare uwa man kam u Tymmen Basan ka Balang Mowkaiaw da e ki ya ki kyntien sneiñ kyntu.
Kani ka Inter Dong Football Tournament kiwa wan chimbynta em ki 14 tylli ki dhab wei ynnin ka yalehke da man ko hapyrdi ka Madanrwan pyrchah ka Pdienskur heiwa ka Pdienskur da jop ko da 6-0.
Discussion about this post